سیاسی شعور ایک علمی و تحقیقی پلیٹ فارم ہے جس کا مقصد اردو زبان میں علم  سیاست اور متعلقہ مضامین پر معیاری اور مستند مواد فراہم کرنا ہے۔ ہم یہ یقین رکھتے ہیں کہ سیاسی فہم و ادراک ہر شہری کا بنیادی حق ہے، اور اس کے بغیر جمہوریت کی بنیادیں مستحکم نہیں ہو سکتیں۔ ہماری کوشش ہے کہ قارئین کو سیاست کے مختلف پہلوؤں پر جامع اور تحقیقی معلومات فراہم کی جائیں  ، جن میں سیاسی نظریات  ، حکومتی ڈھانچے ، ہندوستانی سیاسی فکر، ہندوستانی دستور و آئین ، ہندوستانی علمیات ، نظم ونسق عامہ ، انسانی حقوق ، سیاسی سماجیات، بین الاقوامی تعلقات ، ہندوستانی خارجہ پالیسی ، اور  سماجی تحریکیں  شامل ہیں ۔ اسکے دیگر مضامین جو علم  سیاست کے دائرےمیں آتے  ہیں۔

ہم سمجھتے ہیں کہ سیاسی شعور، فکری آزادی، اور علمی مکالمہ ایک مضبوط جمہوری معاشرے کی بنیاد ہیں۔ ہم اپنی تحقیقات، تجزیات، اور تحریروں کے ذریعے نہ صرف ہندوستان بلکہ عالمی سطح پر بھی سیاسی بیداری، فہم و فراست، اور فکری تبادلہ خیال کو فروغ دینے کے خواہاں ہیں۔

ایک ایسا
پلیٹ فارم قائم کرنا جہاں اردو زبان میں علمِ سیاست، انسانی اقدار، اور جمہوری فکر
کے تمام پہلوؤں پر کھلی، مدلل اور بامعنی گفتگو ممکن ہو۔    ہم چاہتے ہیں کہ ہمارا قارئین صرف مطالعہ نہ
کرے، بلکہ سوچے، سمجھے، سوال کرے، اور مکالمے کا حصہ بنے — کیونکہ یہی حقیقی سیاسی
شعور کی علامت ہے۔